Author Information
يارب
Folder:
Religious
وايه يكون الحب لو ماكانش القلب يملا قلبه بيك
وايه يكون الشوق لو مادوبنيش من اللهفه اليك
وايه يكون العمر لو ماكانش بيمشى سكه رايحه ليك
وايه تكون الروح لو ماسجدتش خشوعا بين ايديك
وايه يكون عبدك ياربى لو ماكانش فى كل اعماله راضيك
****
حبى ليك جوه فى قلبى من بداية كاف و نون
ياللى تتجلى عظمتك ويَّا قوة كن.. يكون
توهب الدنيا الحياه بعد ليل صمت و سكون
ياريت اكون ذرة غبار ولا انى يوم ابدا اكون
ناكرة لفضلك ياالهى او انى يوم ابدا اخون
دينى و اتوه وسط الحياه اللى بقت توهه و جنون
ده انا بُعْدِى عنك لحظه واحده بيملا قلبى بالشجون
يارب خليك جنب منى..وانا يعنى ايه دونك اكون
