Hanggan kailan maghihintay

10/120/02

Matagal akong naghintay, hanggang sa tuluyan ng mabulag ang buwan

Tila’y nangagawit na’t gusto pang malaglag

Sa pakikisama sa paghihintah.

Halos nakawin na ng hangin ang aking hininga

Sa pag aakalng darating ka

Bakit, nasaan ka na nga ba?



Gusto kong isiping, huminto ang mundo sa pag-ikot

Umiikot pabalik ang oras,

O di naman kaya’y naliligaw ka lang o

Sadyang binalewala mo lang ang mga binitiwan kong paala-ala.



Naglakad ako’t nilagpasan ang mga tinik

Para lagn mahawakan ka

Binalewala ko ang lahat

Para lang makaharap ka

Nagbulag-bulagan para lang makasama ka

Naglaho nga lang ang lahat.



Oo, naghintay ako, kasama ang buwan

Nakipagpaligsahan sa paghihintay

Pero,

Buti pa ang buwan, may hinihintay na bukas

Maraming pagkakataon na masilayan ang lahat

Ako kaya, meron pa ba?

View greeny's Full Portfolio
vilmazab's picture

I too write Tagalog poems, they are close to my heart since my husband was tagalog.maybe you can check my BB Gandang Hari and the rest. you write well considering you are still young, you must have a lot of inspiration...