PostPoems Be Artistic. Be Creative. Be Inspired!

(Reflections Of My Youth)



Gihanduraw ko ang kagahapon

Sa akong pagkabatan-on

Akong kasingkasing gihilap

Sa masulub-on kong panaghap.



Ang kinabuhi sa ilong tuwapos

Kansang ginikanan gihipos

Sa kahitas-an mi-aginod

Sama sa damgohanong gapnop.



Akong gi-aninaw

Ang mga kamingaw

Mga dapit nga akong gisuroy

Way makasama sa Baroy.



Kasadya nga akong natagamtam

Uban sa mga higalang di makalimtan

Sa tunghaan ug kadalanan

Kansang kainit dili ikagsapayan.



Kanhi-ay ang tanan akong gihandom

Lamang kaniadto duna lang unta akoy gahom.

Sa lakat sa kinabuhi nga akong gisubay

Tingali ang tanan mabungahon ug mahapsay.



@17 Aug -06