Author Information
[] وان عطيتك الدنيا
Folder:
محليات
وان عطيتك الدنيا
وعيوني سوى
ويش تطلبي منى بعد؟
كل ما ملت ليالي يا عزيزه
باقي انا
اعنى حبك من جنوني ماارتوى
احترق في اليوم مليون مره
وان ظلمت البخت فيك
تبقي في عينى ضوى
احترق في اليوم مليون
بس تضلي تشعلي قلبي
وتهمس لي ضنونك و الهوى
احترق واحن
يابعد كل المزن
قلبك المصيون
يعشقنى
ونا صوبه احن
وانتشى ساعه لقانا
وترتخي عينى
وارخيلك جناحيني
طيفك المبطون
باقي في ضميري نينوى
اتقول اتغير
وابتعد
ولوين
تحسبينى اروح
في البراري
ولا في جبال سفوح
ولا بين الظل اسكن
وانت تبقى لي تلوح
دون قلبك ما ابي
ما يزين البيت يا بنت
من دونك
ولا تحلى كل ساعات العمر
الا ان كنت بصافي العيش يهنالك نضوح
وان عطيتك كل شي ملكته بين يديه
ترا ماهي حسافه
اطلب من الله القوه
وتامري!
القلب...
و الروح...
و الهمه
تلوت بين ايديك
أقدمها لك هديه
تقولي لا تبكي ياعيوني؟
وين تبينى ابكي
في حضن غيرك
و الابتسامه
ما تسكن بعينى
و الله اني كل ما شفت ظلك انتشي
تهرول جياد الحس بقليبي
بس تسمعني منك سلامك
خلي كل الضحك
يا روحي إليك
وخلي كل الحزن
يعشي خافقي
بس تبقى
في وسط محار قلبي
وتبقي انت دانه
ابسمى كل يوم
وكل ساعه تمر يمك
حتى لو صرتي وحيده
دون كل الناس
باقي إن طلبتينى
وانا كلي هلك
وابسمى
يا مهجتي
ذاك القلب القاسي بين يدينك
يرتجي ساعه رضى
ولا حتى ترتضى اوقات سعده
حتى يرجع لك بوحده
ويتغنى بك هلا والفين سعده
وترضى يا عزوتي
يابعد روحي
وروحي
بين لايام وخليها تهل ساعات جدة
و الوجد تبقين وجده
زهرة البستان شالت
احلى اوصافك يا ورده
وابسمى
واطلبي ترى انى عطيتك
من عينوني
ومن احساسي واحلامي
وكل شي
وبقي انت فيه شمعه
تضوي في ثنايا العمر بسمه
و البسمه وحده
