Author Information
Adrian
Anong dapat kong gawin, ako'y nalilito
Di ko malaman kung ba't nagkaganito
Napakaraming bagay ang gumugulo
Sa aking isipa'y ika'y tumitimo.
Namutawi nga sa iyong mga labi
Sinisinta mo ako, walang atubili
Ako ang mundo mo walang pasubali
Nais mo ay magkapiling tayo lagi.
Sumanib tuloy sa aking ngiti'y galak
Hardin man ay puno ng mga bulaklak
Di nito mahihigtan ang halimuyak
Pag-ibig mong tunay at nakatitiyak.
Subalit hiling ko ako ay makapag-isa
Pagkat di pa panahon at may bukas pa
Huwag ka sanang mawalan ng pag-asa
Darating ang araw, tayo'y magsasama.
BEAUTIFUL