Author Information
يا كبير
Folder:
أغاني باللهجة المصرية
ما قدرش سامحك
ع اللي عملتو زمان معايا
واللي لسه بِ تعملو
ما قدرش سامحك
على عمر عشتو على هوايا
ومعاك أديني بكمّلو
قالو وقالو المسامح كريم
واللي يسامح يبقا عظيم
وانا البخيله
معاك يا روحي
ما انتا اللي ياما
شفيت جروحي
ازاي اسامحك .. بس وليه
يا كتف ياما بكيت عليه
يا حضن ياما احتميت بيه
ده انا ممكن اني .. اصفح واسامح
كل اللي كان .. قاسي وجارح
واللي اذاني .. وخد مكاني
وباعني رخيص .. مع حد تاني
بس انتا غير
انتا السماح ال ما يتسامِحش
ولو حد جرحو ما بيجرحش
عشان كده.. اسمو .. الكبير
