Author Information
بأيا حلم
Folder:
دندنة
قلّي بأيا حلم بتحبني لاقيك
لَ عالسّكت ب غفوتي انا جيك
ما اكترا الاحلام هللي حلمناها
لو ضاقت عليي عمر وعليك
بحلم اللي طرنا فيه وعلينا
وقت اللي كان الشوق حاملنا
وقطر الندى عالورد يروينا
وزهور بريه شو جمّع واهديك
ولا بحلم رقصنا فيه لَ تعبنا
ودار الهوى فينا نسينا شو ذكرنا
صوت الموسيقا ما عاد الو معنى
واغفا ع كتفك بضمة دفا ايديك
ولا بحلم هربان من هالنار
طفلين ملهيين متل ولاد صغار
يقلا بحبِّك ل يفتّح النوّار
تقلو بحبَّك .. والحلم يخلص هيك
