Author Information
زعلي منّو عليك
Folder:
دندنة
زعلي مانو عليك
زعلانه ع حالي
ع صوره رسمتا
ولَوّنتا بخيالي
ع ليالي شو سهرتا
ويا طول الليالي
ع عمري اللي راح
ضيعانا آمالي
انتا ما بتستاهل
مني ولا دمعه
الطريق اللي مشيتو
ما الو رجعه
ياما قلبي داب
عندك متل شمعه
وشو نصحتو هالقلب
وما بدو يوعا
صفحه وطويناها
لا تزعل يا قلبي
بيكفي انو تكون
ع الغالي متربّي
وان كنّا الدنيا هيك
مو اكتر من كذبه
صدقك هوي الباقي
لما نهينا اللعبه
جاي الوقت تشوف
شو قيمة جمالك
لما الدنيا تضحك
وتقابل خَيالك
وبعيونو تتمرّا
حالو هوّي حالك
رح تنسا اللي راح
ويتهنّا بوصالك
