PostPoems Be Artistic. Be Creative. Be Inspired!

"أدي عندك نقاط ضعفي

مش عايزه أخبّيها

ولا عايزه انا أخفي

بقولهالك بكل وضوح

وبدعي شويه من خوفي

نقاطي مش للاستغلال

محتاجه تقوّيني

وضعفي بقوّتك تشفي"

غبيّه كلّ من تكشف

بإسم الحبّ نقاط الضعف

ح ييجي يوم يعايرها

ولو على صونها رح يحلف

وهيّا الطامعه بالقوّه

ح تصبح كل نقطه حرف

بيجرح بيها .. يدميها

ومين يوقف آهات النزف

أديك عرفتي ايه يعني

تسلّمي روحك غير ليكي 

ما فيش غيرك بيقويكي

وكلّ طوبه في السكّه

بتوجع.. بس من تاني

من الجايه بتحميكي

وما قلتش لا ما تحبّيش

لكن حِبّي كده بشويش

بعقل وقلب  متّفقين

تلاقي الحبّ بقا عادل

بياخد زيّ ما يدّيكي