وفات القطر

Folder: 
دندنة

 

 

#أغاني


وفات القطر عدا العمر 

ونا لسه هناك واقفه

إيديا وهي بتضمك 

تملّي من الفراق خايفه

عينيا دموعها بتقلك 

انا غيرك مانيش شايفه

مشيت وسيبتني وحدي 

قدرت ازاي على بعدي

لدلوقتي مانيش عارفه

.....

وفات القطر عدا العمر

ونا ونتا هناك واقفين

على رصيف الشتا حبيبين

وريح الحزن جوايا وريح تشرين


اتّفقوا على ضعفي

ف ليل زيي كئيب وحزين

عيونك جرح في قلبي

عيوني تناجي رايح فين


وتبعد تبعد الخطوه

سنين وسنين

....

ومن يومها وانا واقفه

ب تيجي ناس تعدّي ناس

اشرب كاس احزاني

وسيبلك الفرح في الكاس


كإِن العمر كان حبك

كتاب عمري انتهى وخلاص

انا اللي كنت ف كتابك

خبر عاجل..  عن الاحساس


بقيت وحدي انا وقلبي

ب نروي حكاية الاخلاص

******

View thanaa_darwish's Full Portfolio