متل العاده

Folder: 
دندنة

 

 

 


فيك تقلّي.. كيف وصلنا أنا وياك..  لَ هالنقطه

ابدينا بمزحه..  وكلمه بكلمه..  غلطه بغلطه

صار بدنا نترك ونفارق

مع انو تعوّدنا كتير

انو نعلق..  انو نخانق

طيب روق

وتعا نقعد شي خمس دْقايق

نجرّب انو سوا نتزكّر

مين الأول جنّ وكسّر

ووقّعنا بجنونو بورطه


لا لا تقلّي..  انتي بديتي..  وبدّك هيك

أنا ما بدّي..  قلبي بعدو معلّق فيك

وبعرف انك..  لما تقلّي..  كرهتك روحي

عم تبكي جواتك دم

وقصدك انو تعزّب روحي

حتى رد بقسوه عليك

طيب ليك

رح غيب شوي وارجعلك

وانتا لملم

قزاز القلب اللي كسّرتو

واوعا لا تجرح ايديك

واغلي القهوه

الصلحه حلوه

غليها ساده متل عيونك

رح اشربهن نقطه بنقطه

####


View thanaa_darwish's Full Portfolio