Author Information
نكران
Folder:
دندنة
مرّ الشعر جنبي
ومتل ال كأنو هيك
ما بيعرفني
و بيناتنا عشرة عمر
صغيرة كنت
لما اجا
بكير يخطبني
وما قال قاصر
هالبنت
بدّها وقت
تا اسكنا
وهيي تسكنّي
وياما حلف
بِ بحة النايات
برنّة وتار العود
بعمرو ما يتركني
و شو غار
من اللي تغزلو فيي
و شو جن من كل قلب
عم يسألو عني
مر الشعر جنبي
و كفّا طريقو عالهدا
وهوّي عم يغني
جربت اندهلو
صوتي تكسّر قبل ما انده
وناسو عيوني وانطفو
متل قنديل الوفا
ال زيتو من الجنّه
