Author Information
صلاه
Folder:
دندنة
كلشي فيني عم بيصلّي
حروفي ال بتغني موجوعه
سكوتي يقلّا : ما بتملّي ؟!
عيوني اللي بتضحك بدموعا
شفافي ال آهاتا مشتعله
ايديي المشتاقه تضمّك
و يحصد غيري عني الغلّه
مراياتي ال ما فيها غيرك
بشوفك فيها عم تندهلي
الطير ال ربيتو بقلبي
تا يوصلك شو بيعلّي
اللقمه المغموسه باللهفه
كاسي الفاضي الراضي متلي
فستاني اللي بلون الليلك
دمّي اللي بحبك عم يغلي
وبيقولو عنّي ما بصلّي
ما شافو كلّك بي كلّي
وما قريو آيات حروفي
ولا روحي الممتنعه السهله
