Author Information
زقاق الطفوله
Folder:
أغاني
#أغاني
جيران كنا زمان
حب ودفا وأمان
والباب حد الباب
طفلين ملهيين
نخربش على الحيطان
نهجّي الحرف بكتاب
وشو نزعل ونرضا
او نضحك ونبكي
يمكن بلا أسباب
...
وتشدني بشعري
صرّخ انا دغري
واشكيك لَ امي
ولو منعتك عني
اوقف على الشباك
لوشوشك كلمه
وكيف دار هالدولاب
زقاق الطفوله غاب
ونسيت شو اسمي
....
ليش الزمن علّم
ع سطور احساسي
وعليك ما اثّر
الماضي بقي فيي
عايش بوجداني
وعندك ورق أصفر
ولو مهما مر العمر
يللي كبرت ونسيت
هالطفل ما بيكبر
.....
بعدك ببالي زغير
متل النبع صافي
وبعدي أنا طفله
ويا ضحكتك بتضل
بترنّ صرلا سنين
سقف السما تعلّي
ولو يفضا قلب الحب
من ضحكتك بالبال
برجع انا بملّي
