Author Information
جورية
Folder:
لها الأسماء كلّها
جورية
شو اسمك
-اسمي جورية
- شو عمرك
- عمري نسيتو من زمان
يمكن من عمر الحرية
- يا جورية وين بلادك
- بلادي هالكون الواسع
بس الهوية سورية
- و شو بتشتغلي
قولي بسرعة
قبل المحضر ما يتسكر
- بغزل على منوالي بساط
بطير عليه
- ألوانو كلا سحرية
- ما عرفناكي
عنا في متلك كتار
ما شفنا فيكي خصوصية
- كيف بدكن بالله تشوفوني
و النقطة نضارة شمس
جورية الوردة البرية
أصلا بالميه حورية
