|
ع سطح القمر
مبارح .. أنا والقلب
سهرنا على سطح القمر
فيروز .. وسكوت .. وسفر
والشعر عم يغزل صور
” وجنّات عامدّ النظر ”
شفنا الأرض من بعيد
قرينا كتابا المختصر
مساكين أهل الأرض
بيعمروا تا يهدموا
يمكن جهل
يمكن ضجر
وحدو الشاعر
كان عم يقطف حبق
ومرّات بيطيّر ورق
عيونو ع نجمة مسافرة
يصلّي بقلب الكون
سبحان ربي اللي خلق
المبتدا يعانق خبر
ورجعت من حلمي
ع جوانح الكلمة
ويلي إذا شي يوم
هالقمر انكسر
 *ثناء درويش*
|
