ترانيم ترانيم ترانيم
يمكن صرّخ .. وانتَ جنبي
يعلا صوتي .. وما تسمعني .
ويمكن اسكت .. خبّي بقلبي
وأنت بعيد
تسمع صمتي .. وطّمني .
القصّة منّا ,.. بعد وقرب
القصّة .. كيف فينا نتعلم
هالقلب يحاكي هالقلب
من غير حروف وكلمات
ولو مهما تطول المسافات
يوحّدنا احساس الحب .
&&&
عم احلم .. لو فكّر فيك
لاقي قلبك عندي حاضر
وتندهلي .. ولو كنت بعيد
تلاقيني على بابك ناطر
احكيلك من غير حروف
ويسمعني الشوق الملهوف
وتجمعنا أنوار الدرب .
يمكن وقتا فينا نسافر
عبر الماضي .. واللي جايي
ويصير هالقلب مراية
تعكس كل سرار القصة
اللي بعدا عنّا مخباية
وحدو الحب هوّي القادر
يخلّي الخاطر .. حق .. وصدق
ويبقى فينا دايماً حاضر
*ثناء درويش*
