ترانيم ترانيم ترانيم
من كذبة لكذبة
عم نركد يا قلبي
وتسرقنا الدروب
ولا مرّة منتوب
أو نفهم اللعبة
&&&
ساعات بياخدنا
هالماضي معو
وساعات اللي جايي
بيندهنا : تعو
إيّام اللي راحت
ما رح يرجعو
واللي جايي ... بعيد
يمكن .. ما نقشعو
وما بين وهم الذكرى
وما بين حلم بكرا
بتزيد سنين الغربة
عن أرض الحقيقة
عن دنيا المحبة
تعا نعيش اللحظة
يا قلبي .. بسلام
ونشوفا تكبر فينا
مية سنة لقدام
هاللحظة هيي الصدق
والباقي أوهام
لا حزن يبكينا
ولا فرح يخلينا
نقضّي العمر كلّو
*ثناء درويش*
