Author Information
انتي للمحبة صوت
Folder:
اغاني
عم تراهن على صوتي
بإنو حيّ و ما بيموت
أمم وقفت بحنجرتي
ووحي من عالم اللاهوت
وصرخة "لا" بوجه الظلم
بتطلع من وجع مكبوت
الحياة ال بالأصل حرّه
اجت توقف بوجه الحوت
عم تراهن على شعري
الجمال اللي بنى البيوت
وعلّا لفوق سما الوجدان
وهرهر كلّ وراق التوت
عم تراهن متل كل حب
ما همّو لعنة الطاغوت :
" خليكي نغم ساري
لو الدنيا متل تابوت
ولا تقولي بأنك وهم
انتي للمحبه الصوت "
#صباحكن_زهر
