Author Information
طمّني عليك
Folder:
اغاني
طمنّي عليك
مشتاقه كتير التصبيحه
بقهوة عينيك
أشربهن شفّه ورا شفّه
وشو حسّ بحنّيه وخفّه
معقول القهوه بتدوّخ
بتدوّب فيك
بعدك بترشرش حبقاتك
بتوعا بكير
و بينأوِز حنطة ديّاتك
رفّ عصافير
وبعدك بالبال بتغمرني
وبتقلّي رجوعك مستنّي
ع دنيا بعيدة تاخدني
والوقت يطير
وشلوح الزنبق ب صوتك
وكروم التين
والعشب الغاوي ع صدرك
ناطر تخمين
يغمرني ويتخبّا عليي
ما عاد تشوفو عينيي
ويقلّي اللي بيغرق فيي
ايامو سنين
