Author Information
يا مشنشله
Folder:
دندنة
دنيا
يا مزوزقه .. و ملونه
و نيسان بعيونك غفي
يشكل بشعرك سوسنة
يخربش ع حيطان العمر
بفرشايتو .. لون و عطر
كلا بحلاكي معنونه
يا مشنشله
بجراس من ضو الصبح
تاجك ع شعرك
متوجك
قوس القزح
من هيبتك راسو انحنى
عا عرش مملكة الغنى
يا صوت غنى للفرح
بنغمات عذبه مدوزنه
قومي افتحي
بإيدك مفاتيح القدر
قومي افتحي
جايي عريسك من سفر
حامل بإيد الصليب
و بإيد البدر
صرلو عمر
عم ينتظر
يدق جرس كنيستو
هونيك بعالي المادنه
يا الله تعي
يا حلم أخضر ضاقت عليه الدني
*
