Author Information
عيد ميلاد محم ٢٠٢١
Folder:
معايدات
برا في عجقة ناس
زينه وصلا وقْدّاس
في شموع مندوره
لْ بكرا وصوت جراس
وعيون عم تضوي
والكاس دقّ الكاس
وضيفه عند بابُن
لبسولها الضحكه
الأحلا من تيابُن
قالو سنه جديده
الميلاد ميلادُن
والكل خدّا باس
وعم يسألو شو حامله
معها بقلب الكياس
عم يحلمو قدوما فرح
و ايامها اعراس
بْقلوبهن فاق أمل
وتجدّد الاحساس
وقلبي معك سهران
يا بعيد عن عيني
اشرب نخب هالحب
ال ضوا سما سنيني
سنه تجي وتروح
بتبقالي كل الناس
