Author Information
عيد ميلاد محمد ٢٠٢٣
Folder:
معايدات
إذا بتذكر
برد سلميّه
كان بعضمي عم ينخر
وانا وانتا عم ننطر
ليطلع فجر
وتصبّح على الدنيا
ومن هالحبس تتحرّر
اذا بتذكر
الدكتوره ال صوّرتك
افتكرت يعني إنك بنت
وما رضيت تحكي شو شافت
وأنا ما سألت
وشو يعني يصير
نور ولينا معهن أخت؟!
ولمّا زغردو جنبي
أكيد فرحت
إذا بتذكر
طفوله هاديه عشتا
ووحدك رضعت من صدري
نعمه شووووو تمنّيتا
ولا بيوم زعلت منك
ولا دمعه منك بكيتا
ومعي همّي انت شلتو
فسامحت الدني كلّا
ولا قلتلا يا ريتا
بيكفيني بإنك مع أخواتك
كنتو مملكة عزّي
أمومة كتير حبّيتا
