Author Information
الشرطة
Folder:
أغاني للأطفال
شو حلوه شمس النهار
رح العب برّات الدار
ناداني واحد غريب
حتى روح معو مشوار
قلي جايبلي بنبون
قلتلو ابعد من هون
فورا ناديت الشرطه
بيستاهل يبقا مسجون
اللازمة
تسلم ايدين الشرطه
لخدمتنا موجودين
ولما نكون بشي ورطه
بيقولو فورا جايين
***
كنت وحدي جوا البيت
مدري مين دق الباب
قلي انا بابا اجيت
ما رديت على الكذاب
دغري ناديت الشرطه
خبرتن في حرامي
وعطيتن عنوان البيت
حتى تضلّ بسلامه
اللازمة
تسلم ايدين الشرطه
لخدمتنا موجودين
ولما نكون بشي ورطه
بيقولو فورا جايين
***
ومرّه كنت بالبستان
شجره مشيت من جنبي
خفت منها كتير كتير
تاري حرامي متخبي
ولما مسكني من ايدي
لياخدني معو بعيد
دغري ناديت الشرطه
والله ندمو ما بيفيد
اللازمة
تسلم ايدين الشرطه
لخدمتنا موجودين
ولما نكون بشي ورطه
بيقولو فورا جايين
