Author Information
الطبيب
Folder:
أغاني للأطفال
عم امشي بالغابه
مبسوط ومتهنّي
قنفوذ الصغير
بِ شوكو نخزني
الحقني يا دكتور
اصبعي عم يوجعني
اللازمه
لا تخاف يا حسونه
هلأ رح يجي الطبيب
من الأخطار بيحمينا
ومعو الدوا رح بيجيب
من الأمراض بيشفينا
كل الوجع رح بيطيب
شو حلوه هالنحله
بتوزّ وبتغني
رح جرب امسكها
اسبقها وتسبقني
عجل يا دكتور
بِ رجلي قرصتني
اللازمه
لا تخافي سيلينا
هلأ رح يجي الطبيب
من الأخطار بيحمينا
ومعو الدوا رح بيجيب
من الأمراض بيشفينا
كل الوجع رح بيطيب
راكب عالسكوتر
وشو كنت فرحان
فجاة عنو وقعت
عالمشي مو قدران
يا دكتور تعال
جيب الدوا كمان
لا تخاف يا حسونه
هلأ رح يجي الطبيب
من الأخطار بيحمينا
معو الدوا رح بيجيب
من الأمراض بيشفينا
كل الوجع رح بيطيب
