PostPoems Be Artistic. Be Creative. Be Inspired!

دنيا تانية ..وعمر تانى ..

شفت حسنك لما جانى ..

لما غنى الكون .. زمانى ..

وقال خلاص ..

انسى عمر تملى يحزن ..

واللى فات ..

عدى ومات ..

بكرة جايلك .. يمكن احسن ..

نور عنيكى .. شاف سمايا ..

ضلمه عتمه .. سواد و ليل ..

راح معدى ..سابلى شمسه ..

ضى نورها ..

شقشق الفجر ف عنيا ..

شقشقه ..

سابلى عصفورلما غنى ..

فوق غصون الحب يملا ..

قلبى صوته زقزقه ..

من زمان كان اللقا ..

و ف عمر تانى  ..

من زمان ..

من الف عام ..

اسمى كان مش زى اسمى ..

و انت اسمك زى ماكان ..

اسم احلى من الاسامى ..

اسم احلى منه صورتك ..

والعيون احلى الجميع ..

سحر ياما ..

ورود .. ربيع ..

زى مانت .. و ماتخافيش ..

كلمة منك بتنادينى ..

من حروفها احيا واعيش ..

طله منك تسوى عمرى ..

و الشفايف من كلامها ..

مابتداريش ..

تحيى قلبى .. كلمه منها..

من جمالها ..

مانت قمرى ..

وانت جنه ..

الحنان جوايا غنى ..

لما بتقرب لحضنى ..

أملى عينى .. بنينى عينيك ..

ضى نورك ..

شقشق الصبح ف سمايا ..

شقشقة ..

لم بسمع ..نبض قلبك ..

دقدق الحب فى غنايا..

دقدقة ..

من زمان كنتِ لى ليلى ..

كنت قيسك ..لما مات لك م الجنان ..

من زمان كنتِ لى عبله ..

كنت عنتر .. لما شافك فى الزمان ..

كنت مجنون بيكى انت ..

كنت روميو ..

اوزوريس من حبى خاف ..

ينسوله اسمه ..

و اللى ماتوا و اللى صحيوا ..

خافو منى ..

خافوا قلبى ..

خافوا حبى ..

اخطف المحبوبه منهم ..

كل ذنبى ..

ان حبي عدى فوق حد الجنون ..

يشطب الاسماء و يسكن ..

اعلى كون ..

تصبح الاسماء بعيده ..

تبتعد عن عينى تصغر ..

وانا و انتى بنعلى فوق ..

كل الاسامى ..

مهما تكبر ..



طارق المملوك

2/10/2006