PostPoems Be Artistic. Be Creative. Be Inspired!

كلمة و ماشي ..

لما بعدت .. أنا مت و ضعت ..

لما مشيتى وخدتى الفرحة ..

خدتى الوقت .. وخدتى العمر ..

وخدتى أمانى ..

عدى الوقت وماستناشي ..

وجيت اتكلم بس و احايله ..

مابيفهمشي ..

سرحت فيا سنينه ثوانى ..

جريت بجنون زى القطر ..

سابت الشعر الشايب يطرح ..

قهر و صبر ..

سابت التجاعيد تسكن عمرى ..

وتأمر أمر ..

تجرح فيا و تتحدانى..

تنقش كلمة وترجع تمسح ..تكتب تانى ..

تجرح قلبى بطول و بعرض ..

لما انبسطت و خدت كيفها ..

سابت الجسد الواهن مرمى ..

ف طيشها و زيفها ..

تسرح فيا ديدان الارض ..

وانا من غيرك هابقى ازاى ..

انا من غيرك عمر و رايح ..

عمره ما جاى ..

وحده بتقتل نبض القلب..

تخطف منى ساعاتى  وعمر الهنا و الحب ..

جاى بقولك ..

كنت بحبك ..

كنت اتمنى استنى معاكى ..

وافضل احبك عمر.. و اعيش ..

بس كفايه عليا ان اعرف ..

غصبن عنك ......

ماقدرتيش



طارق المملوك

3/10/2006