PostPoems Be Artistic. Be Creative. Be Inspired!

ماشي طريق .. يبعد بعيد ..

وانا بنطلق ..

بجرى اسابق .. الانطلاق ..

يمكن اخيرا الحقك ..

والدنيا عيد ..

وانهى ساعات ..

صاحبت فراق ..

لا عرفت اصاحب الطريق ..

لا قدرت اسابق الساعات ..

ولا فيش شهيق ..

ولا فيش امل ..

انفاسى ضاعت و العدم .

رضيت ثبات ..

صامت كما صخر الجبل ..

ووقفت انا ..

سامع سكات ..

فجاه اختفى .. صوت الساعات ..

مابقتش سامع دقدقة ..

ولا فيش نغم .. صوت تكتكه ..

وقفت ساعاتى كلها ..

وبتبتسم ..

قلبى بكى ..

لاحد مصمص شفته ..

اصعب عليه ..

ولا حد يوم صاح و اشتكى ..

وحدانى تايه وسط عيد ..

اصحاب هناك .. بعدوا سنين ..

بيعيشوا عيد ..

مش داريانين .

وحبايب افترقم بعيد ..

الكل قابل دنيته .. فرحان سعيد ..

ماشيه الساعات الا هنا ..

واليوم طويل ..

وقَف على منظر غريب ..

رمله وقمر ..

وسواد و ليل ..

اه يا انا ..

ببكى عليك ..

ضاع الحبيب يوم مافترق ..

سافر بعيد ..

كان الونيس ..

بيدفى ليل برد الشتا ..

كان الورود ..

تطرح جناين ف الربيع .

عى فرشته ..

كان النسيم ..

هفهف ليلاتى جوا صيف ..

كان الرموش .. وبيحمى عين ..

من رمل عاصف ف الخريف ..

اه يا حبيب ..

روحت لبعيد ..

وتركت قلبى للوجع ..

اه يا انا ..

واقف هنا ..

مستنى يوم ترفض ساعاتى الانكسار ..

ترفض ثبات ..

وتعود حياتها ف تنطلق ..

ويعدى يوم قهر الفراق ..

واصرخ بصوتى ع الملأ ..

ملعونه اه ..

ساكنه ف ليالى غربتى ..

تطلع سكات ..

ملعون يا صوت كل الساعات ..

لما توقف مطرحك ..

وتسيب غريب .. ماتفرحه ..

ارجوك يا عيد ..

داوى الوحيد ..

وتجيبه تانى لمطرحه ..



طارق المملوك

23/10/2006