PostPoems Be Artistic. Be Creative. Be Inspired!

قبل ما مامشي وادى ضهرى ..

بوست كل وشوش ولادك ..

اهل بلدى الطيبين ..

طفت كل حته فيكى ..

كل حارة .. كل عطفة ..

كل قهوة .. كل مدنه ..

كل جامع .. كل شارع ..

كل شبر و حته فيكى ..

هتوحشينى ..

بس راجع .. ماتخافيش ..

كنت لازم يوم افارق ..

لجل مارجع شاري حلمك ..

لجل مارجع راسي فوق ..

لجل اعيش ..

لجل ابنى .. ولجل بنتى ..

لجل زوجة واقفة تبكى ..

بالدموع راحت بعيد ..

الفراق مش راح يدوم ..

ايوة راجع ..

ايوة راجع بالقرار ..

ايوة خارج م السجون الضيقين ..

لجل اشوف وشوش بتضحك ..

غير وشوش السجانين ..

اه يا بلدي والف اه ..

قومى عدى ..

لما تخلص التابيدة.. هني .. وقومى غنى ..

قومى هِدِي ..كل سجن .. وكل سور ..

كل ساعة حزن فينا .. كل يوم ..

لجل نرفع روسنا عاليه ..

لجل نوصل بيكى فوق حد النجوم ..



14/5/2006