PostPoems Be Artistic. Be Creative. Be Inspired!

لو متضايق..



او مش فايق .



اطلق نفسك ويا الدنيا ..



انسلا همومك حتى لثانية ..



واعمل حاجة جديدة عليك ..



اخرج وحدك .. ادخل سيما ..



فيلم رومانسي .



او لو كوميدى .



اضحك وانسى .



حتى ان كانت نكته وغلسة ..



اضحك ليها .



ولو مش عاوز .. اطلع سافر ..



خدلك غطس ف بحر المالح ..



كلك اكله لذيذة و طازة ..



جمبري مشوى او سبيط ..



كالك اكله بره البيت ..



اكله لذيذة ف الازاريطة ..



او ف ابو قير .



ايها حاجة .. اهه تغيير ..



خدلك مركب وسط النيل ..



وقت عصاري او بالليل ..



تطلع منها تروح ع الازهر ..



تاكل فته .. طرب .. كوارع ..



اكله لذيذه ف وسط الشارع ..



وتروح راجع .



تشرب شاى اخضر ع الكيف ..



او تضربلك صحن مدمس ..



ف السيدة تاكل و تغمس ..



اعمل حاجة تغير مودك ..



تقدر تصمد .. تنفض همك ..



سحر الليل ف بلدنا جميل ..



وسط مشاكل مالها حلول ..



كلمه حق .. ف حق بلدنا ..



سحر العالم فيها ليلاتى ..



بس الصبح بيهرب منها ..



خايف منا ؟؟ .



م التكشيرة المايه وشوشنا ..



بس بلدنا ف ليلها جميل ..



زى عروسه .. ف وسط الكوشة ..



متزوقه لعريسها . جميلة ..



سحر الدنيا ف كحل عنيها ..



يخدها عريها .. فرحان بيها ..



يصحى الصبح يبص عليها ..



بتبقى ازاى ؟؟؟؟!!!!!!!......







طارق المملوك



5/2/2006