PostPoems Be Artistic. Be Creative. Be Inspired!

ذكرى الشهيد محمود الثانية

محمود مامتش







ماتوا الرجال..





مات النهار..





وكان التمن بخس وبسيط ..





مليون ريال ..





مليون دولار ..





مليون قيراط ..





برميل دهب اسود يتملى..





بدم الرجال ..





وبحزننا .. ويقهرنا ..





وبضعفنا ..





انسان بكام ..





خلص الكلام ..





سكت الكلام ..





ماتوا الرجال ...













فات عام .. و عام ..





ولا سكت الكلام ..





راحت الام ..





رجعت قوام ..





قيدنا الشموع ..





كترت دموع ..





محمود مامتش ..





شاهد ماشفش ..





قبر الشهيد .. جنب الحسين ..





ملكه الكوهين ..





و العم سام ..





سكن الجسد..





بره البلد ..





بس القضية مش هنا ..





ولا القضيه ممكن تكون ..





ازاى يعود ..





ومافيش ردود ..













محمود مامتش ..





كان شاب مليان بالاراده ..





كله بساطه ..





كان عربى مسلم ..





كان مصرى .. ممكن..





بس بدماه ساب انتفاضه ..





علشان يكون المهر غالى ..





لازمنا نعرف كلنا ازاى نعيش ..





ازاى نكون ..





ولا ينتهيش .. جسد الفتى ..





جنب الفرات ..





يبكى ويروى بحرقته ..





ارض السكات ..





فات عام .. وعام ..





وابتدى دم الشهيد يبعت كلام ..





لحَن نشيد ..





قوم يا وطن ..





حرر الوف صارت عبيد ..





علشان يعود دم الشهيد .. جوا الوطن ..









طارق المملوك

1/4/2005