PostPoems Be Artistic. Be Creative. Be Inspired!

حبيبى الصغنن ..

نورك يا ربي ..

ونعمك كتيرة ..

ده نونو بيحبى ..

واخته الكبيرة ..

طولت ماشا الله ..

وعملت ضفيرة ..

تذاكر .. وتسهر ..

وتاكل .. هتكبر ..

تقول للصغنن  ..

بحبك ياخويا ..

صغير بتحبي ..

لكن هاتساعدنى ..

اقولك يابنتي ..

ربي يصونك ..

واقول للصغنن ..

ياعم انت مالك ..

هتكبر قوامك ..

وتركب حصانك ..

تعدى بحارك ..

وتكسر سدودك ..

وتفخر بنفسك ..

ماتنساش جدودك ..

وبلدك و مجدك ..

ده فوق الجميع ..

واكبر كتير ..

وارجع و اضحك ..

واقول للرضيع ..

هتكبر قوامك ..

واختك .. وامك ..

امانة ف رقبتك ..

وبلدك ووطنك ..هايفخر بعزك ..

وانت و شطارتك ..

ده شانك وامرك ..

وشوف انت نفسك ..

هتكتب .. هاتغزل ..

هتنحت .. هاتصدق ..

اكيد مش هاتكدب ..

ده شانك وامرك ..

وعملك .. واملك ..

وانا تحت امرك ..

تذاكر .. تسافر ..

هتلعب .. هتغلب ..

هاتصنع .. هاتنتج ..

هتلقانى جنبك ..

تشورنى .. واساعدك ..

وانت ياعمرى ..

يا شمسي .. وقمرى ..

عروستى .. وبنتى ..

ده اول مابنتي ..

ف قلبى سكنتى ..

كبرتى .. وطولتى ..

درستى .. ولعبتى ..

ذاكرتى .. تعبتى ..

قريتى .. وكتبتي ..

عارفك يا بنتي ..

لانى كذلك ..

تحبي تاريخك ..

وهرمك و نيلك ..

وعارفة الفراعنة ..

وجيش التتار ..

وامتى انتصرنا ..

وامتى انكسرنا ..

وامتى انقهرنا ..

ويوم الانكسار ..

تقولى يا ولدي ..

بحبك و بلدي ..

وزرعى .. ووردى..

بحبك يا والدي ..

بحبك يا مصر ..

ــــــــــــــــــــــــــــــــــــــــــــــ

طارق المملوك

24/1/2005