PostPoems Be Artistic. Be Creative. Be Inspired!

لما يبقى الحلم عابس ..

والظلام حوالينا دامس ..

والكلاب تجري و تنبح فى المكان ..

والافات سارحة بتشغى فى الغيطان ..

والعيال جوانا تكبر ..تتولد قبل الاوان ..

تبقى الحكاية شطبت ..

فتفيت قلوبنا اتكسرت ..

وبلدنا مصر اتدهورت ..

واتحطمت ..

تبقى القيامة قربت ..



لما تبقى الحرب نكته و مش سلاح ..

لما يبقى الحلم فينا مستباح ..

اه يا بلدى ..

كنت فيكى مستباح ..

كرامتى ..بيتى ..حتى حلمى مستباح ..

كل شئ ولى و راح ..

مافضلش فينا غير جراح ..

وبقايا حلم منتورة وسط المكان ..

احلامنا ماتت و انتهت قبل الاوان ..

تبقى الحكاية شطبت ..

فتفيت قلوبنا اتكسرت ..

وبلدنا مصر اتدهورت ..

واتحطمت ..

تبقى القيامة قربت ..



طارق المملوك

6/12/2004