PostPoems Be Artistic. Be Creative. Be Inspired!

اتقابلنا ف مره صدفه ..



عيونك كانت منى خايفه...



وويا صاحبى كنت واقف .



كنت خايف .



تمشى .. تجري .. وتسيبينى..



كنت خايف تندهينى .



القى روحى بجرى ليكى .



القى صورتى بين عنيكى .



القى قلبك بين ايديكى .



يتولد جوايا فرحك .



كنت خايف القى جرحك .



نظرة ف عنيكى حزينه .



جوا جرحك ليه سجينة .



ليه حزينه .



والتقيتنى بمشى ليكى .



ارمى قلبى بين ايديكى..



وآجى اقرب التقيكى .



ابتديتى تكلمينى .



جوا قلبى زاد حنينى .



من سلامك .



من كلامك .



من حنانك..



التقيتنى جوا قلبك .



بيجرى فيكى زى نبضك .



والتقيتك ضحكه صافية .



بس من جواكى خايفة .



تلقى قلبك راح معايا .



كنتى خايفه من هوايا .



كنتى خايفة .



ايوه خايفه .



قلت اجيلك .



يروى حبى بحر نيلك .



والتقيتنى وسط خوفك .



ابتديت اسمع .. واشوفك .



ابتديت جواكى اعيش .



ماتخافيش .



اتولد جوانا حب..



والف حاجة ماتنتهيش .



ماتخافيش..







طارق المملوك

13/5/1990