PostPoems Be Artistic. Be Creative. Be Inspired!

نور السنين..

نور السنين شاحب .. حزين .

طالل على مصر .. يبكى .

و يندب حال المجروحين .

من كام الف سنة .. كانت .. كنا ..

متسيدين ..

متربعين ..

لكن يا خلق فوق الدرج .. نازلين ..

من دور لدور .. من عالى لواطى ..

متدحدرين ..

نصبة .. و تهليبة .. ودق الدفوف ..

و بلدى ع الرصيف تبكى .

ماده الكفوف .

دموعها سايلة .. دم .. م الكسوف ..

يا ولدى .. بص و شوف .

نور السنين انطفى .. والشمع داب ..

ضلام ف ضلام حينا.. والشعر شاب ..

ضهرى انحنى .. وانكسرت .

والصوت محبوس .. انخرست .

وولاد اخر الزمن .. دايخين .

ف الجهل متمرمغين ..متحنيين .

ضاع عزنا و جاهنا .. و فضل الانين ..

طالل عليكى يا مصر ببكي .

و على الربابة .. بشدى .. وبشكى ..

وانشد حكويكى القديمة .

وهافضل انا احكي .



طارق المملوك

2/11/2004