PostPoems Be Artistic. Be Creative. Be Inspired!

يوم القيامة

الناس نيام .. مش ميتين ..

لكن يا حسرة ..

متحنطين .. متكفنين ..

ومغمضين.

و صوت يمامة..

والفجر طالل بين البيوت..

وراوى اعمى ..

اسمه سلامة..

ظن انه يوم القيامه..

ايوة القيامة..

يا عينى لف بلاد كتير ..

شرق .. وغرب ..

شمال .. جنوب ..

لف البلاد .. يصرخ يقول ..

يا مسلمين ..

يا موحدين ..

كفياكو .. نوم ..

كفياكو .. موت ..

شوفوا الحكاية ..

نفس الحكاية ..

شوفوا اليهود ..

قصدى التتار ..

نهبوا البلاد ..

قتلوا الولاد..

والشيخ سلامة ..

ماسك جهاد.. والامير محمود ..

وفين يروح ..

وطنا كله مليان جروح ..

تتار ..

مغول ..

يهود ..

والعم سام ..

ف يوم و ليله صار من جيرانا ..

والحال ده حالنا ..

فين الرجال ..

كلن ف حاله ..

عياله .. ماله ..

نسيوا القضية ..

وضحكوا .. مالوا ..

قاموا .. و قالوا ..

الراوى الاعمى ..

مسيرة يسكت .. ويحل عنا ..

بلادنا .. موت ..

خرس .. سكوت ..

فوقوا يا عالم .. فوقوا ياهوه ..

ده الامير محمود .. على فرسه قاعد ..

ممكن يعود ..

ندور .. نفتش .. عن عين جالوت ..

اصحوا يا عالم ..

الكون مباح ..

الكون نباح ..

مليان كلاب ..

تيجى .. تروح ..

قوموا قيامه ..

كفايه نوح ..

قرب يا صاحبى ..

يوم الحساب .. يوم المعاد ..

اصرخ وقول يا شيخ سلامه ..

حى على الجهاد ..

حى على الجهاد..



طارق المملوك  

25/3/2004