PostPoems Be Artistic. Be Creative. Be Inspired!

فى المعاد

لما قابلتك ف المعاد..

التقيت ف عنيكى فرحة مانسهاش..

كنت فاكرك حب لسه مابتداش..

كنت فاكرك قلب لسه مارتواش..

كنتى المنارة اللى بنورها قلبى عاش..

ليه تفوتى حب لسه مابتداش..

والقانى ضايع وسط غابة ذكريات..

القى لقلبى نبض حزن و حكايات..

لكنى بلقاكى قريبة ف دنيتى..

القاكى لسه فاكرة غنوتى..

مركبنا محتاجة لمنار..

محتاج لقلبك ليل .. نهار ..

محتاج لقلبك بيت .. ودار ..

بعد البعاد ..

لما بقابلك ف المعاد ..

كنت فاكرك جوا قلبى ميت حكايه ..

عمرها ماشى ف دمى م البداية ..

كان معايا ..

قلبى دافى من هواكى ..

من هوايا ..

من دموع سكنت عيونك ..

ف المرايا ..

صدقينى لما اقولك ..

ان كنت ف يوم ماقابلك..

انسى حزنى .. والتقيكى ..

بالحنان يسكن عنيكى ..

بالهوى المشتاق اليكى ..

بالحنين انده عليكى ..

ارمى قلبى بيد ايديكى ..

وانتهى لما ابتديكى ..



طارق المملوك

11/4/1990