PostPoems Be Artistic. Be Creative. Be Inspired!

جبل صهيون

فوق جبل صهيون..

سفاح و طايح ف الخلق تلطيش ع القفا..

واخدها دراع..

و عافية .. عمرة ما مل ..

ولا مرة حتى اكتفى..

واحنا كما الحرافيش..

عاوزين نعيش ..

ومقضينها يوم فهلوة .. ويوم سنجفه..

ومانكتفيش الا ف ساعة نوم..

نحلم نكون ..

نحلم نقول .. كلام..

بس الكلام ممنوع..

قول يا صاحبى ياللى اكتفى..

بلقمة عيش .. تكفينا لحظة جوع ..

وتحلاية بكف يلطع قفا..

قول يا صاحبى واصرخ بصوت مسموع ..

كلام موزون و مش فلسفة ..

امتى نقوم م النوم ..

ويجى اليوم..

نطعن سكاتنا .. ويوم ذلنا..

نبات ف الدفا..

من غير لا خوف ..

ولا عار يلطخ ديارنا ..

امتى نفوق..

سفاحنا ماهوش مارد.. ولا عفريت..

ده ابن القرود..

كان سجنه قمقم..

يمكن نسيت..

ولا اتناسيت..

احنا بسكاتنا بنينا و علينا جبال صهيون..

اسمع يا صاحبى كلام موزون..

يا نكون .. اولا نكون ..

كفايانا كلام فلسفة..

وحلم يرضى سكاتنا..

ونصحى من بعد الغفا..

على ماضى اسود ..

و بكرة اسود..

ونهار صباحه لطعة قفا..

طارق المملوك  

22/3/2004