PostPoems Be Artistic. Be Creative. Be Inspired!

بنــــك القلـــوب

يا صاحبتى ..

طلبك ماهوش مستحيل..

قلوب بدل ..

قلوب استيراد ..

و جديدة لنج ..

وقلوب يا حلوة حرارتها تلج..

بس بنك القلوب جبر..

ويومنا خلص..

طلع القمر .. و الدنيا ليل..

و ليل الشتا يا صاحبتى..

برد .. وضلمة كحل ..

طويل .. طويل .. طويل ..

وما في حد هيسمعك ..

حتى صدى صوتك ..

بعيييييييييد .. بيرن .. هيرعبك..

و هيتعبك ..

وانت وحدك ف كونك ..

والناس نيام..

بكرة يجي الصباح ..

بعد الصياح .. ف الفجر ..

يتنصب سوق القلوب ..

بس ماتهربيش ..

ماتعيطيش ..

قلوب مرصوصة رص .. و ع الرصيف ..

تتباع من غير فلوس..

زى النفوس ..

مالهاش لا قيمة ..

ولا صك صنع ..

ولا حتى سعر ..

اهى جت سليمة..

قلبك معاكى ..

ف ديري بالك ..

قلبك ده برلنت حر ..

مانقدر له سعر ..

ده اصلى .. وزيرو ..

والناس ف ورطة ..

اتلموا أرطة ..

حاوليكى زز يساوموا ..

بدل .. يا هانم ..

تبيعى .. يا شابة ..

قلبين محبة .. وتدينا قلبك ..

وصرت يا اختى .. مؤكد ف ورطة ..

بدل ما تاخدى ..

هتتاخدى منا ..

يا وقعه سودا ..

ده بنك .. ده  نصبه ..

وسوقه سودا ..

تبديل قلوب ..

و تعويم قلوب ..

و قلوبنا صعبة ..

وايدين خفية ..

بتلعب شوية ..

ف قوتنا .. وعيشنا ..

وداخلة ف قلوبنا ..

اهى دى القضية ..

اهى دى القضية ..



طارق المملوك

17/4/2004