PostPoems Be Artistic. Be Creative. Be Inspired!

ايديكى رسول

ايديكى جوا قلبى رسول ..

تاخدنى فوق .. بعيد و تقول ..

بانى كنت جواكى .. اخد روحى .. اخد دمى ..

تضمينى .. و بهواكى ..

بحبك انت يا امى ..

ده قلبى حته من قلبك ..

و حبى حته من حبك ..

باغنيلك و هافضل اقول ..

ايديكى جوا قلبى رسول ..

مهما تقاسى و بتتعب ..

بتضحك لينا و تدارى ..

و لما بتحزنى بعرف ..

لانك شمسى و نهارى ..

و لما بمد لك ايدى ..

تمدى بحب و تزيدى ..

باغنيلك و هافضل اقول ..

ايديكى جوا قلبى رسول ..

و لما بكون بعيد عنك .. الاقى قلبى وياكى ..

و بلقى صوتى يندهلك ..

وباجريلك .. وبالقاكى ..

على صدرك تضمينى ..

بنبض القلب حوطينى ..

باغنيلك و هافضل اقول ..

ايديكى جوا قلبى رسول ..







طارق المملوك

21/3/1990