Author Information
وا قدساه
Folder:
الشاعر/احمد فؤاد نجم
يا عبد الخير يا عبد النور يا عبد الله
يا اهل الدين
يا كل المؤمنين بالله
محمد و المسيح صحبه
في رحمه ربنا الرحبه
ما بين الناصره و الكعبه
جموع بتنادي
وا قدساه
***
يا اول سجده للأ نسان
في اول قبله للرحمن
فداكي الأهل و الأوطان
فداكي الدنيا مال او جاه
محمد و المسيح صحبه
في دنيا ربنا الرحبه
ما بين الناصره و الكعبه
جموع بتنادي
وا قدساه
***
عصابه ابرهه و الفيل
جنود الشر جيل ورا جيل
عليهم لعنه التنزيل
و في الأناجيل و في التوراه
محمد و المسيح صحبه في دنيا ربنا الرحبة
ما بين الناصرة و الكعبه
جموع بتنادي وا قدساه
