PostPoems Be Artistic. Be Creative. Be Inspired!

بصراحه ياأستاذ ميكى

انك  رجعى وتشكيكى

قاعد لامؤاخذه تهفلط

وكلامك رومانتكى

ولا ناوى تبطل تكتب

بصراحه كلام بولوتيكى

عن دور الحل السلمى

واستعماله التكتيكى

فى الوقت اللى احنا صراحه

دايخين دوخه البلجيكى

وبلدنا لسه جريحه

وبتصرخ بالأفريكى

لو بات التار يا ولادى

ح يبات الذل شريكى

والشعب يقول يا بلادى

بالروح و الدم افديكى

وحاجات بصراحه بتحصل

فى بلدنا يا أونكل ميكى

بصراحه ولا انت معايا

ولا طالل من شبابيكى

وكأنك مثلا موميا

للسلطان الأنتيكى

أحياها لاستعمالها

لاستعمار الأمريكى

رجعت على هيئة

ميكى