Author Information
على بابك يا ست
Folder:
الشاعر/احمد فؤاد نجم على بابك يا ست
نزل الوليد ع الباب
كما اللوز المقشر
مكلضم مكشر
يوأوأ
يأوأ
يبلضم يبوأ
يشلت برجله
يشوح بأيده
يطبطب على امه
يخربش في سيده
يزاحم
و يندب وسط الزحام
و يبعد
عن الصولجان والمقام
يمشي سنه يرجع هنا
يزحف سهول و جبال
يفضل كدة جوال
يسوح يغرب
و يرجع يقرب
يسيبك بقهره
يا ستي يا طاهره
يجيلك يا زهره
على ضهر مهره
عفيه و اصيله
و بعيون كحيله
و غره و هلال
ولابس عقال
و ندرن على يا ستي الرئيسه
لو المهره تسبق
و اجيب الرهان
لابخر مقامك
و اجيب لك عروسه
و اسمي العروسه
حلاوة زمان
***
مدد يا ام هاشم و نظرة وصال
لعاشق
ملوش في العواشق مثال
محسوب ولد محسوب
للست و الأحباب
و اكمنه كان مكتوب
دخل الوليد كتاب
يتعلم المكتوب
و يعلم الأصحاب
على بابك يا ست
