Author Information
الجدع جدع
Folder:
الشاعر/احمد فؤاد نجم الجدع جدع
و الجبان جبان
بينا يا جدع
ننزل الميدان
***
و الميدان بعيد
عن جوف المدينه
يا تار الشهيد
دير ياسين و سينا
***
بحري و الصعيد
احنا اهه ادينا
اصلب م الحديد
في الشدة تلاقينا
بالنار و السلاح
نرفع الكفاح
فوق كل العواصف
و هبوب الرياح
يسبق الليالي
و يجيب الصباح
و يهزم الهزيمة
و يداوي الجراح
عاوزين اللي راح
قدامكو الميدان
و الجدع جدع
و الجبان جبان
