PostPoems Be Artistic. Be Creative. Be Inspired!

ياأمانى ياشجره ف بستانى

بتفرع ياما وتعلو

وبيستناها الفكهانى

ولا تطرح غير كلمة لو

لو اغمض وافتح تانى

ألاقينى طاير فى الجو

والشمس عروسه مقبلانى

بالطرحة الدهبى وبالضو

لاخطف طرحتها وفرحتها

وانزل فى اللحظه وفى التو

أبدر أنوارها وأشواقى

ع الأرض تنور تحلو

والمس بالكف المتحنى

ع الزرع يبشر ويمنى

والحب يرعرع

ويغنى

والعمر يهنى

ويغلو

ويقوموا الناس فى الفجريه

والصبح بيضحك ها  أو

والليل بعيونه الحراميه

بيعيط خايف م العو

وأمانى كتيرة مشغلانى

ممكن تتحقق يوم أو

على رأى صاحبنا البستانى

لو تطرح شجرة لو