Author Information
الشاعر الاكره
Folder:
الشاعر/احمد فؤاد نجم
أنا الأديب لما أتكلم ما باخليشى
للأنى جاهل
وفاجومى
ومخ مفيشى
وأى تغيير فى حياتى
ميتعبنيشى
وأنا اللى قولى على نويى
مش من بره
وأبدأ كلامى عن الأشعار
واللى زانوها
بيرم وخيرى
وكل الناس اللى صانوها
أما الكلاب عند الجواسيس
واللى خانوها
فدول كلاب
وما مبنذكروش هنا بالمره
الله الله يابدوى
هنا بالمره
****
ياعم بيرم وحياتك
واللى أماتك
وخلا الناس مآبين
عايشيين على مقالاتك
وواد مباحث يتطاول
على مقاماتك
لاجعل الشعرا الأندال
مسخه وعبره
الله الله يابدوى
****
فى كل مولد ياشويعر
لفلفت حزام
ورقصت تبع المزيكه
وكنست مقام
وصاحبت كل الألاتيه
ومشيت خدام
لكل عالمه وشبشبها
حسب الأجره
****
حربايه يابن الحراميه
ميه الميه
على كل لون جاهز تركب
ع التسقيه
أما انت مالح ومزبط
وابن غبيه
وحصانك اللى راهنت عليه
يخسر بكره
الله الله يابدوى
يخسر بكره
****
الطبل غير الشعر يا واد
ماتهبلشى
وأى شخص يكون شاعر
مايطبلشى
ياتقول كلامك جواك
يا متقبلشى
ملعون ابوك طالع نازل
شاعر أكره
