Author Information
من روائع الحقيبة : ( في بعادك
Folder:
محطـــــــــــــــات
في بعادك ديمة زايد ونحنا ما جايب خبرنا
ما بهمك كيف سهرنا وكيف على الآلام صبرنا
من زمن هليت علينا وبِنْتَ في ظلمات عمرنا
نحنا شلناك ريد وفرحة بيكا ياما طاب سمرنا
تُهْنا في كلمات محبة وفي شعور فياض غمرنا
وطِعنا أمرك واستجبنا يوم منادي الشوق أمرنا
فجأة إتغير طريقك وقلبك إتبدل نكرنا
لا طِرَى العُشرة الطويلة لا طِرَانا ولا ذكرنا
إنتظرناك يوم تجينا وبرضو عدَّ وفات صَبُرنا
وجِيتَ في آخر الحكاية قلت ريدك .. ما قَدُرْنَا
وين خطاباتنا الأنيقة .. وين حُروفنا .. وين صُورنا
وين سجودنا وإبتهالنا .. وين دموعنا وين سهرنا
دا كان كلو ونحن برضنا .. ليك صبرنا
ما نسيناك يا هنانا وبرضو لي هجرك .. غفرنا
في بعادك ديمة زايد .. ونحنا ما جايب خبرنا
ما بهمك كيف سهرنا وكيف على الآلام صبرنا
تقديري
