Author Information
ضليــــت : قاسم أبو زيد
Folder:
الشعر الغنائى ضليت .. هرب منى الأمل .. جنيت
جافانى الشروق .. حنيت
كنتى معايا .. فى لمـّة دليب .. شاشاى
فى إيقاع حشا المردوم
فى جيد الزمن .. سوميت
************
مرقت .. على محطات السفر .. غربة
وما لقيتك .. أمل شارد
مع إنك معاى فى زحمة المشوار
وحتى يقينى عاد من تانى
صحـّاك فى حنين ذاتى ..
صحـّاك فى حنين ذاتى ..
*********
تعالى معاى....
تعالى معايا من زفة نفس مسدار
وما جرتق فرح .. كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح .. دوبيت
وكت ضليت
.. قعدتّ براى .. وحسيتك
بتطلعى من نفس طورية ضامـّة الطين
ومن دمعة وجع طوّل
ندا العرق البنادى .. حنين
