Author Information
عبدالعزيز جمال الدين : لوتصـدق
ألحان وأداء الأستاذ/ عبد الكريم الكابلي
أنا لو تصدق
يا شباب عمري المفتق
شلت كل الريد مشاعر حلوة نديانة وخصيبة
واشتهيت يهل وعدك لي هناء وافراح وطيبة
اه لو بتعرف كيف تهش اشواقنا تهتف لعيونك
كيف يلح الشوق ويسأل
كيف ترق اشواقنا ترمز لعيونك
كيف يغالي الشوق ويسأل
ونحن من خلف المدى الفرقنا طول لو بتعرف
نرسم الليل في البعاد جنة لقاء
نبني تعريشة حنان طول بدا
ونعانقه في اعماقنا باقات من مرح
تجعل صبانا الغالي زغرودة فرح
حتى الكلام لوجيتنا ما بنحكيه بنفس الحروف
كلماتنا تتفجر غزل بين كل فاصلة تعيش ظروف
والشوق دوام يغري الخيال يسرح وبى حسنك يطوف
احلامنا تتناثر أمل في كل روضة تضوع قطوف
