Author Information
جمال حسن : شباك غناك
شباك غناك مفتوح
علي كم زقاق باكي
وبين نسمة جايبة النوح
وبين غنوة شايلاكي
انا في قفاي مجروح
وعلي ضلفة متاكي
***
ولو الكلامهو الدم
هسة الوريد فاضي
مجروح ونازف ريد
نازف كلام فاضي
بس الوجع لسة
هسة الالم هسة
وبين نتحتين نبضك
شرك قبض صمتي
خلا السكات تبريح
علي كم سكات قدرك
واشرب علي مهلك
راويك ياعمري
بانيك حزن شاهق
ينطح سحاب همي
وانا ايه بدون همي
***
سمعت سورة الناس
وبسملت من ظني
كان اللسن قاطع
وسن القلم شاغال
شخبط علي دمي
وسواس صدور الناس
عكر عيل همي
مجلود وماحافظ
اهة - وحبيبة - وسوط
***
ولو كان بقيت في عيونك اقرا
واباري ساي من غير اشوف
ما كان حيتسجل شقاي
في دفتر الريد والحلم
وما كنت اصلا بمتحن
حصة غناي في فترة الدهشة الاخيرة
وامتهن حرفة حبيب
***
انا ياخي...
ما بعرف سواقة الروج ع
علي درب التبانة...
وشارع الريد .. الكفاهو شعر
***
وما بقدر امشي الشوق
واتاتيهو في الخصل والليل
***
وما بقدر اعد كل النجوم
الطالعة من جلد السا
واعرق ضلام...
غنيني لو ما كان غناك مسروق
وخلي الشوق...
يسوق همي ويرجعو
للقلب لو دايرة ليك
اخلص حبيب
